Dünya
Polşada yüzminlərlə insan hərbi xidmətə və təlimlərə cəlb olunacaq
2026-cı ildə Polşada 300 minə qədər insan hərbi xidmətə və təlimə çağırılacaq. Oxu.Az-ın xəbərinə görə, bu barədə ölkənin Nazirlər Şurasının verdiyi fərmanda bildirilib. Qeyd olunub ki, xüsusilə 13 500 nəfərə qədər insanın peşəkar hərbi xidmətə çağırılması gözlənilir. Təlimlərdə isə 200 000 nəfərə qədər insan iştirak edəcək. Bundan əlavə, 8700 nəfərə qədər insan aktiv ehtiyat fondunda xidmətə, 39 000 nəfər isə könüllü əsas hərbi xidmətə çağırılacaq. Ərazi Müdafiə Qoşunlarında xidmətə 40 000 nəfərə qədər vətəndaş cəlb olunacaq.
Mənbə
oxu.az
Oxşar Xəbərlər
