İdman
"Karvan-Yevlax"dan ardıcıl ikinci qələbə
Misli Premyer Liqasında növbəti turun daha bir qarşılaşması baş tutub.
Axar.az xəbər verir ki, “Karvan-Yevlax” öz meydanında "Şamaxı"nı qəbul edib.
Ötən tur "Kəpəz"ə qalib gələn (4:1) meydan sahibləri bu dəfə rəqibini minimal hesabla üstələyib - 1:0.
Qələbə sayəsində xallarının sayını 14-ə çatdıran "Karvan-Yevlax" sonuncu - 12-ci pillədə qərarlaşıb. "Şamaxı" 32 xalla 7-ci sıradadır.
Qeyd edək ki, tura aprelin 19-da yekun vurulacaq. Ötən gün "Turan Tovuz" "Araz-Naxçıvan"ı üç cavabsız qolla üstələyib. "Zirə" - "Neftçi" matçında qalib müəyyənləşməyib - 1:1.
Mənbə
axar.az
