Digər
Tehranda hərbi sənaye kompleksinə zərbələr endirildi
İsrailin Hərbi Hava Qüvvələri gün ərzində İranın paytaxtı Tehran ərazisindəki hərbi sənaye komplekslərinə bir sıra zərbələr endirib.
Axar.az xəbər verir ki, bu barədə İsrailin Hərbi Hava Qüvvələrinin mətbuat xidməti məlumat yayıb.
Məlumata görə, əməliyyatda 150-dən çox qırıcı təyyarə iştirak edib və 120-dən çox sursatdan istifadə edilib.
Hədəflər arasında silah tədqiqatı, inkişafı və istehsalına aid müəssisələr də olub.
İsrail ballistik raketlərin istehsal olunduğunu və saxlanıldığını iddia etdiyi obyektlər də vurub.
Mənbə
axar.az
