Dünya
Pentaqon "Tomahawk" sifarişlərini xeyli artırıb
ABŞ Müdafiə Nazirliyi "Raytheon" şirkəti ilə yenilənmiş müqavilə çərçivəsində satın alınan "Tomahawk" qanadlı raketlərinin sayını 350 ədədə qədər artırıb. Oxu.Az xəbər verir ki, bu, Pentaqonun məlumatlarında yer alıb. İlkin olaraq cəmi 131 raketin istehsalı nəzərdə tutulurdu. Yenilənmiş müqavilə 785.2 milyon dollar dəyərində qiymətləndirilir. ABŞ Hərbi Dəniz Qüvvələri, ordusu və Dəniz Piyadaları Korpusu, eləcə də raketlərin istehsalı üçün 500 milyon dollar ayıran iki xarici sifarişçi üçün tədarüklər 2029-cu ilin yanvarında tamamlanmalıdır.
Mənbə
oxu.az
