Kriminal
Özünü polis əməkdaşı kimi təqdim edirdi, saxlanıldı
Üzərində “silah” gəzdirib, özünü hüquq-mühafizə orqanlarının əməkdaşı kimi təqdim edən şəxs saxlanılıb.
Axar.az xəbər verir ki, Lənkəran şəhərində özünü hüquq-mühafizə orqanlarından birinin əməkdaşı kimi təqdim edən naməlum şəxs müəyyən olunub. Polis tərəfindən keçirilən tədbirlərlə S.Dadaşzadə saxlanılıb.
Araşdırmalarla onun üzərində gəzdirdiyi silaha bənzər əşyanın oyuncaq olması, özünün isə hər hansı hüquq-mühafizə orqanlarında heç vaxt işləmədiyi müəyyən edilib.
Onunla bağlı məsuliyyət tədbirləri görülür.
Mənbə
axar.az
