Ağ Ev Pentaqona İrana zərbələrlə bağlı tapşırıq verdi

Ağ Ev ABŞ-də aralıq seçkilərə qədər İrana zərbələr endirmək variantlarını hazırlamağı Pentaqona tapşırıb. Oxu.Az xəbər verir ki, bu barədə "Atlantic" nəşri məlumat yayıb. Məlumata görə, planları ABŞ Silahlı Qüvvələrinin Mərkəzi Komandanlığı (CENTCOM) hazırlayır. Qeyd olunub ki, bununla Tramp səsverməyə qədər benzin qiymətlərinin aşağı düşməsinə və münaqişədə nəticə əldə olunmasına nail olmağa çalışır. Lakin mümkün zərbələrin miqyası və hədəfləri hələ də müzakirə olunur. Xatırladaq ki, ABŞ və İsrail fevralın 28-də İrandakı obyektlərə zərbələr endirməyə başlayıb və İran tərəfi buna öz zərbələri ilə cavab verib. İyunun ortalarında Tehran və Vaşinqton hərbi əməliyyatların dayandırılması barədə memorandum imzalayıb, lakin daha sonra yenidən qarşılıqlı zərbələr endirilib. Hazırda münaqişə həll olunmamış olaraq qalır.