Dünya
İran nümayəndə heyəti Trampın təhdidlərinə görə ABŞ-yə etiraz edib
İran nümayəndə heyəti İsveçrənin Bürqenştok şəhərində keçirilən danışıqlar zamanı ABŞ tərəfinə Prezident Donald Trampın İrana qarşı yeni zərbələr endirilməsi ilə bağlı təhdid xarakterli açıqlamalarına etirazını çatdırıb. Oxu.Az xəbər verir ki, bu barədə İranın "Press" TV məlumat yayıb. Məlumata görə, Tehran ABŞ liderinin bəyanatlarına cavab olaraq adekvat cavab variantlarını nəzərdən keçirir. Xatırladaq ki, daha əvvəl Donald Tramp "Truth Social" sosial şəbəkəsindəki hesabında Livandakı vəziyyətlə əlaqədar ABŞ qüvvələrinin İran ərazisinə yeni zərbələr endirə biləcəyini bildirmişdi.
Mənbə
oxu.az
