BVF Ermənistana 25 milyon dollar ayırdı
Beynəlxalq Valyuta Fondunun İcraiyyə Şurası 2025-ci ildə Ermənistanla “Stand-By Arrangement” sazişi çərçivəsində ilk icmalını yekunlaşdıraraq, ölkəyə 18,4 milyon SDR-ə (təxminən 25,1 milyon ABŞ dolları) bərabər vəsait əldə etmək imkanı verib.
Axar.az xəbər verir ki, bu barədə Ermənistan mediası məlumat yayıb.
Məlumata görə, Ermənistan hakimiyyəti bu razılaşmanı qabaqlayıcı tədbir kimi görməyə davam edir:
“İqtisadi aktivlik yüksək olaraq qalır. Qlobal qeyri-müəyyənliyin yüksək olmasına baxmayaraq, 2026-cı ildə real ÜDM artımının təxminən 5,25% olacağı gözlənilir”.
Qeyd olunub ki, “Stand-By Arrangement” proqramı, iqtisadi, maliyyə sabitliyini qorumaq, davamlı, inklüziv və uzunmüddətli iqtisadi artımı təmin etmək üçün hökumət siyasətlərini və islahat proqramlarını dəstəkləmək üçün hazırlanıb:
“İcmalın başa çatması 18,4 milyon SDR (təxminən 25,1 milyon ABŞ dolları) məbləğində vəsait əldə etməyə imkan verir, bununla da mövcud ümumi maliyyələşdirmə 36,8 milyon SDR-ə (təxminən 50,2 milyon ABŞ dolları) çatır. Sözügedən proqram BVF-nin Direktorlar Şurası tərəfindən 1 dekabr 2025-ci ildə təsdiq edilib”.
