Dünya
İsrail ordusu Beyrutda "Hizbullah" liderinin şəxsi katibini məhv etdi
İsrail ordusu (SAXAL) "Hizbullah" lideri Naim Qasımın şəxsi katibinin dünən gecə Beyruta endirilən zərbə nəticəsində öldürüldüyünü açıqlayıb. Oxu.Az-ın məlumatına görə, bu barədə SAXAL-ın mətbuat xidməti açıqlama yayıb. Məhv edilən Əli Yusif Harşinin "Hizbullah" liderinin qardaşı oğlu olduğunu bildirib. O, Naim Qasimin yaxın silahdaşı və şəxsi məsləhətçisi kimi xarakterizə edilib, habelə ofisinin idarə olunmasında və təhlükəsizliyinin qorunmasında həlledici rol oynadığı vurğulanıb.
Mənbə
oxu.az
