Cəmiyyət
Qobuda QƏRİBƏ MƏNZƏRƏ: Su boru ilə birbaşa yola axıdılır
Abşeron rayonu, Qobu qəsəbəsi, Rəşid Behbudov küçəsində suyun birbaşa yolun üzərinə axıdılması sakinlərin narazılığına səbəb olub. Bu barədə Oxu.Az-a şikayət daxil olub. Sakinlər bildiriblər ki, iri boru üçün xəndək qazılıb, su boru vasitəsilə yolun üzərinə yönləndirilir. Nəticədə küçədə su yığılır, ərazi palçıqlı vəziyyətə düşür və nəqliyyatın hərəkəti çətinləşir. Qeyd edək ki, məsələ ilə bağlı İri Şəhərlərin Birləşmiş Su Təchizatı Xidmətinə sorğu ünvanlanıb.
Məhərrəm Əliyev
Məhərrəm Əliyev
Mənbə
oxu.az
