Dünya
Mette Frederiksendən "Qrenlandiya həmləsi": Növbədənkənar seçki olacaq
Danimarkanın Baş naziri Mette Frederiksen ölkədə martın 24-nə təyin edilmiş növbədənkənar parlament seçkisinin keçiriləcəyini elan edib. Oxu.Az xəbər verir ki, bu barədə "Politico" nəşri məlumat yayıb. Hazırkı çağırış parlamentin səlahiyyət müddətinin başa çatmasına bir ildən az vaxt qaldığı üçün seçki oktyabrın 31-dən gec olmayaraq keçirilməli idi. Lakin səsvermə tarixinin dəyişdirilməsi barədə qərarın, ehtimal ki, ABŞ Prezidenti Donald Trampın Qrenlandiyanı ilhaq etməklə bağlı sərt bəyanatlarından sonra Frederiksenin rəhbərlik etdiyi Sosial-Demokrat Partiyasına ictimai dəstəyin artması ilə əlaqəli olduğu bildirilir.
Mənbə
oxu.az
