Anatoli Kaşpirovskinin oğlu atasının dəfninə gəlməkdən imtina etdi

Məşhur rusiyalı psixoterapevt Anatoli Kaşpirovskinin oğlu Sergey atasının dəfn mərasimində iştirak etməyəcək. Oxu.Az "RIA Novosti"yə istinadən xəbər verir ki, bu barədə Kaşpirovskinin bacısı oğlu Yuri Mamayev məlumat verib. Onun sözlərinə görə, Sergey hazırda ABŞ-dədir və atasının dəfninə gəlməkdən imtina edib. Anatoli Kaşpirovski oktyabrın 3-də 87 yaşında Moskvadakı xəstəxanada vəfat edib. Onunla vida mərasimi oktyabrın 8-də Moskvanın Troekurovsk qəbiristanlığının Böyük zalında keçiriləcək. Dəfn mərasiminin isə qapalı formatda təşkil olunacağı bildirilir. Kaşpirovski 1980-ci illərin sonlarında mərkəzi televiziyada canlı hipnoz seansları keçirməsi ilə geniş şöhrət qazanmışdı. Onun verilişlərini milyonlarla tamaşaçı izləyirdi. Daha sonra psixoterapevt siyasi fəaliyyətlə də məşğul olub.