Yeni ilin İLK HƏFTƏSİNDƏ Bakıda hansı mədəni tədbirlər olacaq? - AFİŞA

Bakı sakinlərinin və paytaxtımızın qonaqlarının asudə vaxtlarını səmərəli keçirmələri üçün 2026-cı ilin ilk həftəsində baş tutacaq mədəniyyət tədbirlərinin afişasını təqdim edirik. Oxu.Az xəbər verir ki, yanvarın 5-dən 12-dək olan siyahıda paytaxtda keçiriləcək bir çox tamaşalar, konsertlər yer alıb. Azərbaycan Dövlət Akademik Milli Dram Teatrının səhnəsində bu həftə üç tamaşa oynanılacaq.
Yanvarın 9-da, saat 19:00-da Mikayıl Müşfiqin nakam ömrü, yarımçıq qalmış yaradıcılığı və məhv edilmiş məhəbbəti haqqında olan "Ah, bu uzun sevda yolu" tamaşası oynanılacaq. Tamaşanın quruluşçu rejissoru Xalq artisti Azər Paşa Nemətovdur. Biletlərin qiyməti: 10-20 manat.
Yanvarın 10-da saat 19:00-da Cəlil Məmmədquluzadənin 1909-cu ildə yazdığı "Ölülər" tamaşası səhnələşdiriləcək. Tragikomediya janrında olan tamaşanın quruluşçu rejissoru Xalq artisti Azər Paşa Nemətovdur. Biletlərin qiyməti: 10-20 manat.
Yanvarın 11-də saat 19:00-da Hüseyn Cavidin "İblis" faciəsinin motivləri əsasında "İblis və..." fəlsəfi-dekonstruktiv metadramı oynanılacaq. Tamaşanın quruluşçu rejissoru Əməkdar incəsənət xadimi, Dövlət mükafatı laureatı Mehriban Ələkbərzadədir. Biletlərin qiyməti: 10-25 manat. Milli Gənc Tamaşaçılar Teatrının səhnəsində bu həftə dörd tamaşa təqdim olunacaq.
Yanvarın 10-da, saat 12:00-da Nobel mükafatçısı Redyard Kiplinqin eyniadlı əsəri əsasında hazırlanan "Mauqli" tamaşası nümayiş olunacaq. Tamaşanın quruluşçu rejissoru Elşad Rəhimzadədir. Biletlərin qiyməti: 8-12 manat.
Yanvarın 10-da saat 19:00-da M.F.Axundzadənin "Hekayəti-Xırs quldurbasan" birhissəli komediyası oynanılacaq. Tamaşanın quruluşçu rejissoru Xalq artisti Cənnət Səlimovadır. Biletlərin qiyməti: 10-15 manat.
Yanvarın 11-də saat 12:00-da Conatan Sviftin "Qulliver cırtdanlar ölkəsində" tamaşası göstəriləcək. Tamaşanın quruluşçu rejissoru Elşad Rəhimzadədir. Biletlərin qiyməti: 8-12 manat.
Yanvarın 11-də saat 19:00-da Əbdürrəhim bəy Haqverdiyevin "Xortdanın Cəhənnəm məktubları" tamaşası oynanılacaq. Tamaşanın quruluşçu rejissoru Rusiyanın və Kalmıkiya Respublikasının Əməkdar incəsənət xadimi Boris Manciyevdir. Biletlərin qiyməti: 10-15 manat. Azərbaycan Dövlət Yuğ Teatrı (Kukla Teatrının binasında) yeni ilin ilk həftəsini iki tamaşa ilə açacaq.
Yanvarın 10-da saat 19:00-da dramaturq Matey Vişnekin əsəri əsasında hazırlanan "P.A.N.D.A." tamaşası oynanılacaq. Tamaşanın quruluşçu rejissoru isə Mikayıl Mikayılovdur. Biletlərin qiyməti: 5-15 manat.
Yanvarın 11-də, saat 19:00-da İmadəddin Nəsiminin 650 illiyinə həsr olunan "Mənəm, mən..." mistik-psixoloji dramı oynanılacaq. Quruluşçu rejissor Əməkdar incəsənət xadimi, Dövlət mükafatı laureatı Mehriban Ələkbərzadədir. Biletlərin qiyməti: 5-15 manat. Akademik Rus Dram Teatrı bu həftə tamaşaçılarına beş tamaşa təqdim edəcək.
Yanvarın 8-də, saat 19:00-da A.S.Puşkinin "Daş qonaq" və N.S.Qumilyovun "Misirdə Don Juan" əsərləri əsasında "Don Juan" tamaşası oynanılacaq. Tamaşanın quruluşçu rejissoru Mikayıl Merdinlidir. Biletlərin qiyməti: 15 manat.
Yanvarın 9-da, saat 19:00-da A.P.Çexovun pyesi əsasında "Albalı bağı" tamaşası oynanılacaq. Tamaşanın quruluşçu rejissoru Xalq artisti Aleksandr Şarovskidir. Biletlərin qiyməti: 10-15 manat.
Yanvarın 10-da, saat 12:00-da "Çar Saltan, knyaz Qvidon və şahzadə Qu quşu haqqında nağıl" tamaşası oynanılacaq. Tamaşanın quruluşçu rejissoru Xalq artisti İranə Tağızadə. Biletlərin qiyməti: 5 manat.
Yanvarın 10-da, saat 19:00-da Anarın "Beşmərtəbəli evin altıncı mərtəbəsi" əsəri əsasında "Yuxularımdan çəkil" tamaşası oynanılacaq. Tamaşanın quruluşçu rejissoru Xalq artisti Aleksandr Şarovskidir. Biletlərin qiyməti: 10-15 manat.
Yanvarın 11-də, saat 19:00-da "Kişi, Qadın, Pəncərə... və Məşuq" tamaşası oynanılacaq. Tamaşanın quruluşçu rejissoru Xalq artisti İranə Tağızadədir. Biletlərin qiyməti: 10-15 manat. Azərbaycan Dövlət Kukla Teatrının səhnəsində:
Yanvarın 9-da, saat 12:00 və 14:00-da kiçikhəcmli ibrətamiz məişət nağıllarımızdan olan "Yeddi nar çubuğu" tamaşası oynanılacaq. Tamaşanın quruluşçu rejissoru Əməkdar artist Qurban Məsimovdur. Biletlərin qiyməti: 5 manat.
Yanvarın 9-da, saat 16:00-da rus xalq nağılı əsasında səhnələşdirilən "Qoğal" tamaşası oynanılacaq. Tamaşanın quruluşçu rejissoru Rusiyadan dəvət edilən məşhur rejissor Eduard Qaydardır. Biletlərin qiyməti: 5 manat.
Yanvarın 10-da, saat 12:00, 14:00 və16:00-da uşaq ədəbiyyatımızın görkəmli nümayəndəsi Xanımana Əlibəylinin sevilən mənzum əsərlərindən biri olan "Dovşanın ad günü" nağıl-poeması oynanılacaq. Tamaşanın quruluşçu rejissoru Səidə Haqverdiyevadır. Biletlərin qiyməti: 5 manat.
Yanvarın 10-da, saat 18:00-da rus folklorundan "Durna balığının əmri ilə" adlı nağılın motivləri əsasında "Durna balığı" tamaşası oynanılacaq. Biletlərin qiyməti: 5 manat.
Yanvarın 11-də, saat 12:00, 14:00 və 16:00-da Korney Çukovskinin məşhur "Aybolit" şeiri əsasında eyniadlı "Aybolit" tamaşası oynanılacaq. Biletlərin qiyməti: 5 manat.
Yanvarın 11-də, saat 18:00-da Samuil Marşakın "Pişiyin evi" tamaşası oynanılacaq. Biletlərin qiyməti: 5 manat. Heydər Əliyev Sarayında:
Yanvarın 9-u, 10-u və 11-də, saat 20:00-da türk pop musiqisinin məşhur ifaçısı Rafet El Romanın konserti olacaq. Biletlərin qiyməti: 45-195 manat. Beynəlxalq Muğam Mərkəzində:
Yanvarın 5-i, saat 19:00-da, Azərbaycan milli musiqisinin təbliğinə həsr olunmuş layihə çərçivəsində "Muğamat axşamı" adlı konsert təqdim olunacaq. Biletlərin qiyməti: 10-20 manat.
Yanvarın 8-də, saat 19:00-da gənc pianoçu, Prezident təqaüdçüsü, Beynəlxalq müsabiqələr laureatı, Cəmil Sədizadənin "Renessans" adlı fortepiano musiqisindən ibarət konserti. Biletlərin qiyməti: 10-30 manat.
Yanvarın 9-da saat 19:00-da tanınmış klarnet ifaçısı , Azərbaycan Dövlət Akademik Filarmoniyasının və Rəşid Behbudov adına Dövlət Mahnı Teatrının solisti Hakim Abdullayevin 65 illik yubileyinə həsr olunmuş konsert proqramı. Biletlərin qiyməti: 10-25 manat. Azərbaycan Dövlət Akademik Filarmoniyasında:
Yanvarın 7-da saat 19:00-da Motsart nadir klassik musiqi axşamı olacaq. Biletlərin qiyməti: 5-35 manat.
Yanvarın 7-də saat 19:00-da Ü.Hacıbəyli adına Azərbaycan Dövlət Simfonik Orkestrinin konserti. Biletlərin qiyməti: 4-20 manat.
Yanvarın 10-da, saat 19:00-da xanəndə Malik Həsənovun "Sədai Musiqi Xoşdur" adlı solo konserti. Biletlərin qiyməti: 10-50 manat. Əzizə İsmayılova