Həftə ərzində Bakıda hansı mədəni tədbirlər olacaq? - AFİŞA

Bakı sakinlərinin və paytaxtımızın qonaqlarının asudə vaxtlarını səmərəli keçirmələri üçün içərisində olduğumuz həftənin mədəniyyət tədbirlərinin afişasını təqdim edirik. Oxu.Az xəbər verir ki, 8-14 dekabr tarixlərində paytaxtda bir çox tamaşalar, konsertlər keçiriləcək. Azərbaycan Dövlət Akademik Milli Dram Teatrının səhnəsində bu həftə dörd tamaşa oynanılacaq. Dekabrın 11-də, saat 19:00-da Əli Əmirlinin "Varlı qadın" tamaşası baş tutacaq. Tamaşanın quruluşçu rejissoru Əməkdar incəsənət xadimi Bəhram Osmanovdur. Biletlərin qiyməti: 10-25 manat.
Dekabrın 12-də, saat 19:00-da Şıxəli Qurbanovun "Sənsiz" tamaşası təqdim ediləcək. Tamaşanın quruluşçu rejissoru Nihad Qulamzadədir. Biletlərin qiyməti: 10-20 manat.
Dekabrın 13-də, saat 19:00-da N. V. Qoqolun "Müfəttiş" tamaşası oynanılacaq. Tamaşanın quruluşçu rejissoru Mikayıl Mikayılovdur. Biletlərin qiyməti: 10-25 manat.
Dekabrın 14-də, saat 19:00-da Elçinin "Cəhənnəm sakinləri" tamaşası oynanılacaq. Tragikomediya janrında olan tamaşanın quruluşçu rejissoru Xalq artisti Azər Paşa Nemətovdur. Biletlərin qiyməti: 8-15 manat.
Milli Gənc Tamaşaçılar Teatrında bu həftə üç tamaşa olacaq. Dekabrın 13-də, saat 12:00-da azyaşlı tamaşaçılar üçün Aleksey Tolstoyun "Buratinonun macəraları" nümayiş ediləcək. Quruluşçu rejissoru İvitsa Simiçdir. (Xorvatiya) Biletlərin qiyməti: 8-12 manat.
Dekabrın 13-də, saat 19:00-da A.P.Çexovun "Qağayı" tamaşası oynanılacaq. Lirik-psixoloji dram janrında olan tamaşanın quruluşçu rejissoru Əməkdar artist Nicat Kazımovdur. Biletlərin qiyməti: 10-15 manat.
Dekabrın 14-də, saat 19:00-da İlqar Fəhminin "Şah Abbas Namə" tamaşası nümayiş ediləcək. Tarixi dram janrında olan tamaşanın quruluşçu rejissoru Əməkdar artist Nicat Kazımovdur. Biletlərin qiyməti: 10-15 manat.
Azərbaycan Dövlət Akademik Musiqili Teatrı bu həftə tamaşaçılarına beş tamaşa təqdim edəcək. Dekabrın 9-da, saat 11:00-da C. Məmmədquluzadənin "Anamın kitabı" (ingilis dilində) tamaşası nümayiş ediləcək. Tamaşanın quruluşçu rejissoru qeyd edilməyib... Biletlərin qiyməti: 10 manat.
Dekabrın 13-də, saat 12:00-da "Bremen musiqiçiləri və Pen" tamaşası baş tutacaq. Tamaşanın quruluşçu rejissoru Zaur Əliyevdir. Biletlərin qiyməti: 7 manat.
Dekabrın 13-də, saat 19:00-da Sabit Rəhmanın "Əliqulu evlənir" komediyasının premyerası nümayiş olunacaq. Tamaşanın quruluşçu rejissoru və libretto müəllifi Xalq artisti İlham Namiq Kamaldır. Biletlərin qiyməti: 8-15 manat.
Dekabrın 14-də, saat 12:00-da "Bir dayan, canavar" (R.Ağayeva, A.Xayt, A.Kurlyanski) tamaşası nümayiş ediləcək. Tamaşanın quruluşçu rejissoru Əhəd Hacıyevdir. Biletlərin qiyməti: 7 manat.
Dekabrın 14-də, saat 19:00-da Faiq Sücəddinov və Tamara Vəliyeva "Mən dəyərəm min cavana" tamaşası olacaq. Tamaşanın quruluşçu rejissoru Yusif Əkbərovdur. Biletlərin qiyməti: 8 manat.
Azərbaycan Dövlət Yuğ Teatrında (Kukla Teatrının binasında) bu həftə iki tamaşa nümayiş etdiriləcək. Dekabrın 14-də, saat 19:00-da İmadəddin Nəsiminin 650 illiyinə həsr olunan "Mənəm, mən..." mistik-psixoloji dramı oynanılacaq. Quruluşçu rejissor Əməkdar incəsənət xadimi, Dövlət mükafatı laureatı Mehriban Ələkbərzadədir. Biletlərin qiyməti: 5-15 manat.
Dekabrın 14-də, saat 19:00-da T.Vahidin "Quş dili" tamaşası oynanılacaq. Tamaşanın quruluşçu rejissoru göstərilməyib... Biletlərin qiyməti: 5-15 manat.
Akademik Rus Dram Teatrının səhnəsində bu həftə dörd tamaşa təqdim ediləcək: Dekabrın 13-də, saat 12:00-da "Bremen Musiqiçiləri" tamaşası oynanılacaq. Tamaşanın quruluşçu rejissoru Raula Türkkandır. Biletlərin qiyməti: 5 manat.
Dekabrın 13-də, saat 19:00-da Mixail Lermontovun "Maskarad" tamaşası oynanılacaq. Dram janrında olan tamaşanın quruluşçu rejissoru Xalq artisti Aleksandr Şarovskidir. Biletlərin qiyməti: 10-15 manat.
Dekabrın 14-də, saat 12:00-da "Çar Saltan, knyaz Ovidon və şahzadə Qu quşu haqqında nağıl" tamaşası oynanılacaq. Tamaşanın quruluşçu rejissoru Xalq artisti İranə Tağızadə. Biletlərin qiyməti: 5 manat.
Dekabrın 14-də, saat 19:00-da V. Krasnoqorovun "Üç gözəl" tamaşası (Quruluşçu rejissoru Xalq artisti Aleksandr Şarovski) oynanılacaq. Biletlərin qiyməti: 10-15 manat.
Beynəlxalq Muğam Mərkəzi Dekabrın 8-də, saat 18:00-da Bakı Xoreoqrafiya Akademiyasının tam orta məktəb şagirdlərinin təqdimatında Üzeyir Hacıbəylinin 140 illiyinə həsr olunmuş xoreoqrafik kompozisiya təqdim ediləcək. Biletlərin qiyməti: 10-25 manat.
Dekabrın 10-da, saat 19:00-da Azərbaycan Xalq Cümhuriyyətinin banilərindən biri və ilk Baş naziri Fətəli xan Xoyskinin 150 illiyinə həsr olunmuş tədbirdə Əməkdar kollektiv Səid Rüstəmov adına Xalq Çalğı Alətləri Orkestri, Cahangir Cahangirov adına Xor və bədii qiraətçi Hüseynağa Aslanovun iştirakı ilə ədəbi-musiqili gecə təqdim olunacaq. Biletlərin qiyməti: 5-15 manat.
Heydər Əliyev Sarayı: Dekabrın 8-də, saat 20:00-da dekabrda Heydər Əliyev Sarayında DiDuLa ilk dəfə Bakıda möhtəşəm konsert proqramı ilə çıxış edəcək. Biletlərin qiyməti: 69-149 manat.
Dekabrın 11-də, saat 20:00-da Namiq Qasımovun "Bəsimsən" adlı konserti olacaq. Biletlərin qiyməti: 20-150 manat.
Dekabrın 13-də, saat 20:00-da Bəxtiyar Vahabzadənin 100 illiyinə həsr olunmuş möhtəşəm ədəbi-bədii gecə keçiriləcək. Biletlərin qiyməti: 20-140 manat.
Dekabrın 14-də, saat 20:00-da Gökhan Özenin simfonik orkestrlə konserti keçiriləcək. Biletlərin qiyməti: 49-199 manat.
Bakı Musiqi Akademiyası nəzdində Opera Studiyasının Konsert salonu: Dekabrın 11-də, saat 20:00-da gənc nəsil musiqiçilərin sevimlisi MADTEEN canlı solo konsert proqramı ilə çıxış edəcək. Biletlərin qiyməti: 20-100 manat.
Dekabrın 13-də, saat 20:00-da gənc müğənni Almaxanım Əhmədlinin "Sən olmasan" adlı solo konserti baş tutacaq. Biletlərin qiyməti: 25-120 manat.
Əzizə İsmayılova