Tənbəlliyin insan beyninə faydası açıqlandı

"Qısa müddət ərzində heç nə etməmək psixika üçün faydalıdır". Oxu.Az xəbər verir ki, Lenta.ru-ya açıqlamasında prixoterapevt İrina Kraşkina vaxtaşırı tənbəlliyin xeyrindən danışıb. "Beynin bütün gün ərzində maksimum sürətlə işləməsinə ehtiyac yoxdur. Daimi olaraq məsələləri həll etmək və nəzarət etmək rejimindən daha sərbəst rejimə keçəndə psixika gün ərzində toplanmış məlumatları emal etmək, diqqəti bərpa etmək və gərginlik səviyyəsini azaltmaq imkanı əldə edir", - Kraşkina izah edib. O vurğulayıb ki, belə fasilələr bəzən yalnız dincəlməyə deyil, həm də gərgin iş zamanı ağlagəlməyən həlli tapmağa kömək edir. Bununla yanaşı, mütəxəssis şüurlu şəkildə dincəlməklə işi təxirə salmağın eyni şey olmadığını qeyd edib. Onun sözlərinə görə, həqiqi istirahətdən sonra insan, adətən özünü daha yüngül hiss edir və daha çox enerjisi olur. İşləri təxirə salan insan isə görülməli olduğunu bildiyi vacib işi sonraya saxlayır və çox vaxt məmnunluq əvəzinə narahatlıq və günahkarlıq hissi keçirir.