Digər
Brüsseldən 4 ölkəyə müjdə: Yol xəritəsi hazırlanır
AB bloka üzvlüyə ən yaxın olan dörd ölkəyə üzvlüyə doğru aydın və mərhələli yol xəritəsi təqdim edəcək təkliflər hazırlayır.
Axar.az xəbər verir ki, bu barədə “Politiko” layihə üzərində işləyən iki yüksək vəzifəli Avropa Komissiyasının rəsmisinə istinadla məlumat yayıb.
“AB üzvlüyə ən real namizədlər üçün xüsusi fəaliyyət planları hazırlayır. Brüssel ilk dəfə olaraq Monteneqro, Ukrayna, Moldova və Albaniyanın AB-yə üzvlük danışıqlarının əsas mərhələlərini başa çatdırmaq üçün hədəf tarixlərini müəyyən etməyi düşünür. Yol xəritələri hər bir namizəd ölkədən nə gözlənildiyini daha aydın şəkildə göstərəcək və prosesi irəli aparmaq üçün razılığa gəlməli olan mövcud AB üzvlərinə öhdəliklər qoyacaq”, - mənbə bildirib.
Mənbə
axar.az
