ABŞ İrana qarşı əməliyyatları dayandıracaq? - Senat səs verdi

ABŞ Senatı ordunun İrana qarşı Konqres tərəfindən icazə verilməmiş hərbi əməliyyatlarda iştirakının dayandırılmasını nəzərdə tutan qətnaməni qəbul etməyib. Oxu.Az xəbər verir ki, bu barədə "RIA Novosti" məlumat yayır. Səsvermə zamanı qətnamənin lehinə 49, əleyhinə 50 səs verilib. Hərbi səlahiyyətlər haqqında qanun çərçivəsində təqdim edilmiş sənəd ABŞ qoşunlarının iştirakına Konqres tərəfindən icazə verilmədiyi təqdirdə onların İrana qarşı döyüş əməliyyatlarından çıxarılmasını tələb edirdi. İyul ayında Senat oxşar məzmunlu başqa bir qətnaməni də dəstəkləməmişdi. O zaman onun irəli sürülməsinə 47 senator səs vermiş, 49 senator isə əleyhinə çıxmışdı. Bununla belə, ABŞ Nümayəndələr Palatası Donald Tramp administrasiyasının İrana qarşı hərbi əməliyyatlarının məhdudlaşdırılmasına dair ayrıca qətnamə qəbul etmişdi.