Meksikada kilsədə pirotexnika partlayışı: 10 ölü, 81 yaralı - FOTO - VİDEO

Meksika ştatındakı kilsələrdən birində saxlanılan pirotexnika və barıt ehtiyatlarının partlaması nəticəsində azı 81 nəfər xəsarət alıb. Oxu.Az xəbər verir ki, bu barədə "Excelsior" nəşri məlumat yayıb.

Bildirilir ki, baş vermiş bədbəxt hadisə 10 nəfərin həyatına son qoyub. Bundan öncə yayılan xəbərlərdə 9 nəfərin öldüyü, 14 nəfərin isə yaralandığı qeyd olunurdu. Sentyabrın 5-də axşam saatlarında Santa-Mariya-Kançesda qəsəbəsində ağır faciə qeydə alınıb. Pirotexniki vasitələrin detonasiyası səbəbindən yerli dini məbədin binası qismən uçub və vətəndaşlar dağıntılar altında qalıblar. Hadisə yerinə ətraf bələdiyyələrin təcili yardım və xilasetmə qüvvələri cəlb edilsə də, binanın dayanıqlığının pozulması axtarış-xilasetmə tədbirlərinə maneələr yaradır. Yaralılar, o cümlədən 1.5 yaşdan yuxarı olan azyaşlılar Atlakomulko şəhər xəstəxanasına yerləşdiriliblər. Rəsmi qurumlar alovlanmanın dəqiq səbəblərini hələlik açıqlamasa da, bayram tədbirləri üçün nəzərdə tutulan barıtın mövcudluğu fəsadların miqyasını daha da böyüdüb. İlkin ehtimallara əsasən, partlayışa pirotexniki məhsullarla ehtiyatsız davranmaq gətirib çıxarıb.
{{gallery}}