Misli Premyer Liqasında yeni mövsüm: İlk turda stadionlara neçə azarkeş gəlib?

Misli Premyer Liqasında 2026/27 mövsümünün ilk turunda tribunalarda yer alan azarkeşlərin sayı bəlli olub. Oxu.Az xəbər verir ki, açılış turu çərçivəsində baş tutan altı qarşılaşmanı ümumilikdə 9597 futbolsevər birbaşa stadiondan izləyib. Turun ən möhtəşəm ab-havası "Turan Tovuz" və "Qəbələ" arasındakı matçda qeydə alınıb. Belə ki, Tovuzda keçirilən maraqlı görüşü canlı izləmək üçün tribunaya 4 800 azarkeş toplaşıb. Digər oyunların azarkeş statistikasına gəldikdə, "Sumqayıt" - "Neftçi" qarşılaşmasını 1 350, "Qarabağ" - "Şamaxı" duelini 1 215, "Sabah" - "Kəpəz" matçını 1 132, "Zirə" - "Şəfa" görüşünü 800, "Araz-Naxçıvan" - "İmişli" mübarizəsini isə 300 tamaşaçı izləyib. Rəqəmlərdən də göründüyü kimi, yeni mövsümün ilk turu üzrə ümumi tamaşaçı sayının təxminən yarısı məhz Tovuzda keçirilən oyunun payına düşərək diqqət çəkib. Qeyd edək ki, Premyer Liqanın II turuna avqustun 22-də start veriləcək.