Cəmiyyət
Psixoterapevt xorultunun münasibətlərə təsirindən danışıb
Xorultu cütlüklərdə xroniki stresə və münasibətlərdə problemlərə səbəb ola bilər. Oxu.Az xəbər verir ki, psixoterapevt İrina Kraşkina Lenta.ru-ya açıqlamasında belə deyib. O, problemin əsas səbəbinin xorultunun səsi deyil, partnyorun mütəmadi olaraq yuxusuz qalması olduğunu bildirib. Onun sözlərinə görə, tez-tez oyanmaq insanın əsəbiliyini artırır, əhval-ruhiyyəsinə və dözümünə mənfi təsir göstərir. Nəticədə adi məişət mübahisələri belə daha ciddi qəbul olunur. Mütəxəssis qeyd edib ki, problemin həlli üçün tərəflərin birlikdə çıxış yolu axtarması vacibdir.
Mənbə
oxu.az
