Dünya
BƏƏ-nin neft tankerinə hücum: İtkin düşənlər var
Omanın Musandam əyalətinin sahilləri yaxınlığında BƏƏ-yə məxsus "Al Bahyah" neft tankeri hücuma məruz qalıb. Hadisə nəticəsində ən azı üç ekipaj üzvü itkin düşüb, 18 nəfər isə təxliyə edilib. Oxu.Az xəbər verir ki, bu barədə Sultanlığın Dəniz Təhlükəsizliyi Mərkəzi məlumat yayıb. "Dəniz Təhlükəsizliyi Mərkəzi bəyan edir ki, BƏƏ-də yerləşən "Al Bahyah Inc." şirkətinə məxsus olan və Liberiya bayrağı altında üzən "Al Bahyah" neft tankeri Musandam əyalətinin sahilindən 9.6 dəniz mili məsafədə hücuma məruz qalıb", - deyə qurumun bəyanatında bildirilir.
Mənbə
oxu.az
