Həftə ərzində Bakıda maraqlı mədəni tədbirlər olacaq - AFİŞA

Bakı sakinlərinin və şəhərimizin qonaqlarının asudə vaxtlarını səmərəli keçirmələri üçün içərisində olduğumuz həftənin mədəniyyət tədbirlərinin afişasını təqdim edirik. Oxu.Az xəbər verir ki, martın 2-dən martın 8-dək paytaxtda bir çox tamaşalar, konsertlər baş tutacaq. Azərbaycan Dövlət Akademik Milli Dram Teatrında: Martın 6-da saat 19:00-da Cavid Zeynallının "Şükriyyə" tamaşası oynanılacaq. Tamaşanın quruluşçu rejissor Əməkdar incəsənət xadimi Bəhram Osmanovdur. Biletlərin qiyməti 10-20 manatdır.
Martın 7-də saat 19:00-da Əli Əmirlinin "Varlı qadın" tamaşası nümayiş etdiriləcək. Quruluşçu rejissor Əməkdar incəsənət xadimi Bəhram Osmanovdur. Biletlərin qiyməti 10-25 manatdır.
Martın 8-də saat 19:00-da İlyas Əfəndiyevin "Xurşidbanu Natəvan" tamaşası planlaşdırılıb. Quruluşçu rejissor Xalq artisti Mərahim Fərzəlibəyovdur. Biletlərin qiyməti 8-15 manatdır.
Milli Gənc Tamaşaçılar Teatrında: Martın 7-də saat 19:00-da Cəlil Məmmədquluzadənin "Dəli yığıncağı" tamaşası nəzərdə tutulur. Quruluşçu rejissoru Əməkdar incəsənət xadimi Bəhram Osmanovdur. Biletlərin qiyməti: 10-15 manat.
Martın 8-də saat 19:00-da Cəfər Cabbarlının "Solğun Çiçəklər" tamaşası oynanılacaq. Tamaşanın quruluşçu rejissoru Səbinə Məmmədzadədir. Biletlərin qiyməti 10 manatdır.
Azərbaycan Dövlət Akademik Musiqili Teatrında: Martın 6-da saat 19:00-da Türk dünyasının tanınmış yazıçı-dramaturqu Tuncər Çücənoğlunun "Matroşka" pyesi əsasında "Qadınım" tamaşası olacaq. Əsərin plastik həlli Əməkdar artist Nigar Şahmuradovaya aiddir. Biletlərin qiyməti: 8-15 manat.
Martın 7-də saat 19:00-da Ramiz Mirişli, Marat Haqverdiyevin "Amerikalı kürəkən" tamaşası baş tutacaq. Musiqili komediya janrında olan tamaşanın quruluşçu rejissoru Xalq artisti İlham Namiq Kamaldır. Biletlərin qiyməti: 8-15 manat.
Martın 8-də saat 19:00-da "Şərəf" və "Şöhrət" ordenli Xalq artisti Afaq Bəşirqızının iştirakı ilə "Zal qızı Zalxa" tamaşası oynanılacaq. Quruluşçu rejissoru Samir Qulamovdur. Biletlərin qiyməti: 10-20 manat.
Azərbaycan Dövlət Yuğ Teatrında (Kukla Teatrının binasında): Martın 7-də saat 19:00-da yapon dramaturq Koki Mitaninin əsəri əsasında hazırlanan "Master-klas" tamaşası oynanılacaq. Quruluşçu rejissor Gümrah Ömərdir. Biletlərin qiyməti: 5-15 manat.
Martın 8-də saat 19:00-da Anton Pavloviç Çexovun məşhur "Albalı bağı" əsəri əsasında hazırlanan "Birinci Akt" tamaşası oynanılacaq. Tamaşanın quruluşçu rejissoru Vaqif İbrahimoğludur. Biletlərin qiyməti: 5-15 manat.
Heydər Əliyev Sarayında: Martın 3-də saat 19:00-da "Nəsimi" operası planlaşdırılıb. Biletlərin qiyməti: 15-45 manat.
Martın 5-də saat 20:00-da "Yalnız mədəniyyət" musiqili tamaşası olacaq. Biletlərin qiyməti: 25-125 manat.
Martın 8-də saat 20:30-da Əməkdar artist Könül Kərimovanın konserti nəzərdə tutulur. Biletlərin qiyməti: 35-160 manat.
Azərbaycan Dövlət Akademik Filarmoniyası: Martın 4-də saat 19:00-da Xalq artisti, muğam sənətinin dərin bilicisi Hacıbaba Hüseynovun zəngin yaradıcılığına həsr olunan "Nadir muğam ifaçıları" layihəsi təqdim olunacaq. Biletlərin qiyməti: 5-35 manat.
Martın 6-da saat 19:00-da Ü.Hacıbəyli adına Azərbaycan Dövlət Simfonik Orkestrinin konserti. Biletlərin qiyməti: 4-20 manat.
Martın 7-də saat 19:00-da Moris Ravel 150 - Nadir Klassik Musiqi axşamı. Biletlərin qiyməti: 5-35 manat.
Əzizə İsmayılova