Dünya
KİV: "El Menço"nun axtarışında ABŞ-nin yeni yaradılmış operativ qrupu iştirak edib
Meksikanın " Xalisko Yeni Nəsil " kartelinin rəhbəri "El Menço"nun saxlanılması əməliyyatında narkokartellər barədə məlumat toplayan ABŞ-nin operativ qrupu da iştirak edib. Oxu.Az xəbər verir ki, bu barədə "Reuters"ə ABŞ Müdafiə Nazirliyinin nümayəndəsi məlumat verib. Onun sözlərinə görə, reydi Meksika ordusu keçirsə də, Vaşinqton Meksikaya ABŞ hüquq-mühafizə və kəşfiyyat orqanlarının məlumatlarını əhatə edən hədəf paketi təqdim edib. Kartellərlə mübarizə aparan yeni qrupu - JITF-CC barədə məlumat azdır. Rəsmi saytda qeyd olunur ki, qrupun məqsədi Meksika sərhədi boyunca ABŞ üçün təhlükə yaradan kartel əməliyyatlarını aşkarlamaq və zərərsizləşdirməkdir.
Mənbə
oxu.az
