Türkiyənin tanınmış futbol şərhçisinə qarşı istintaq başladılıb

İstanbul Baş Prokurorluğu Türkiyənin tanınmış futbol şərhçisi və keçmiş idman hakimi Ərman Toroğluna qarşı istintaq başladıb. Oxu.Az "NTV Spor"a istinadla xəbər verir ki, televiziya kanalında yayımlanan bir proqramda Türkiyə futbolu haqqında verdiyi mübahisəli açıqlamalara görə ittiham olunur. Baş Prokurorluğun rəsmi açıqlamasına görə, Toroğlunun açıqlamaları Türkiyə Cinayət Məcəlləsinin "İctimaiyyətə yanlış məlumat yaymaq" maddəsi ilə bağlı 217/A maddəsi ilə araşdırılır. Şübhəli şəxs qismində dindirilən Erman Toroğlu proqramda qaldırdığı iddialardan birbaşa xəbərdar olmadığını, açıqlamalarının şayiələrə əsaslandığını və bu məlumatın doğruluğundan əmin olmadığını bildirib. Dindirmə başa çatdıqdan sonra Ə.Toroğlunun işi növbətçi magistrat məhkəməsinə göndərilib.