İdman
Çempionlar Liqasının pley-off və final mərhələlərində istifadə olunacaq top təqdim edildi
UEFA 2025/2026 mövsümündə Çempionlar Liqasının pley-off və final mərhələlərində istifadə olunacaq topu təqdim edib. Oxu.Az xəbər verir ki, hazırkı turnirin finalı Budapeştdəki "Puşkaş Arena"da keçiriləcək. Həlledici qarşılaşma 30 may 2026-cı ildə baş tutacaq. Top "Adidas" şirkəti tərəfindən hazırlanıb. Hazırkı UEFA Çempionlar Liqasının çempionu Fransanın PSJ komandasıdır. Keçənilki finalda parislilər "İnter"i 5:0 hesabı ilə məğlub edərək tarixində ilk dəfə kuboku qazandılar. Qeyd edək ki, bu mövsüm Çempionlar Liqasının pley-off mərhələsi fevralın sonunda olacaq.
Mənbə
oxu.az
