Həftə ərzində Bakıda hansı mədəni tədbirlər olacaq? - Afişa

Bakı sakinlərinin və paytaxtımızın qonaqlarının asudə vaxtlarını səmərəli keçirmələri üçün içərisində olduğumuz həftənin mədəniyyət tədbirlərinin afişasını təqdim edirik. Oxu.Az xəbər verir ki, siyahıda fevralın 2-dən 8-dək paytaxtda keçiriləcək bir çox tamaşalar, konsertlər yer alıb. Azərbaycan Dövlət Akademik Milli Dram Teatrının səhnəsində bu həftə üç tamaşa oynanılacaq. Fevralın 5-də saat 19:00-da Kamal Abdullanın "Sehrbazlar dərəsi" tamaşası səhnəyə qoyulacaq. Tamaşanın quruluşçu rejissoru Əməkdar incəsənət xadimi Bəhram Osmanovdur. Biletlərin qiyməti 10-25 manatdır.
Fevralın 7-də saat 19:00-da Əli Əmirlinin "Varlı qadın" tamaşası oynanılacaq. Tamaşanın quruluşçu rejissoru Əməkdar incəsənət xadimi Bəhram Osmanovdur. Biletlərin qiyməti 10-25 manatdır.
Fevralın 8-də saat 19:00-da Xalq yazıçısı Elçinin "Baş" fəlsəfi romanı əsasında eyniadlı tarixi metafizik dramı oynanılacaq. Tamaşanın quruluşçu rejissoru Əməkdar incəsənət xadimi, Dövlət mükafatı laureatı Mehriban Ələkbərzadədir. Biletlərin qiyməti 10-25 manatdır.
Azərbaycan Dövlət Milli Gənc Tamaşaçılar Teatrında (GTT): Fevralın 7-də saat 12:00-da Şarl Perronun "Büllur başmaq" nümayiş etdiriləcək. Nağıl-tamaşanın quruluşçu rejissoru Ayla Osmanovadır. Biletlərin qiyməti 8-12 manatdır.
Fevralın 7-də saat 19:00-da Pyer Bomarşenin "Fiqaronun toyu" tamaşası nümayiş etdiriləcək. Tamaşanın quruluşçu rejissoru Əməkdar artist Nicat Kazımovdur. Biletlərin qiyməti 8-12 manatdır.
Fevralın 8-də saat 12:00-da Hans Xristian Andersenin "Düyməcik" tamaşası nümayiş etdiriləcək. Tamaşanın quruluşçu rejissoru Ayla Osmanovadır. Biletlərin qiyməti 8-12 manatdır.
Fevralın 8-də saat 19:00-da Uilyam Şekspirin "Romeo və Cülyetta" tamaşası nümayiş etdiriləcək. Tamaşanın quruluşçu rejissoru Xalq artisti Cənnət Səlimovadır. Biletlərin qiyməti 10-15 manatdır.
Azərbaycan Dövlət Akademik Musiqili Teatrında: Fevralın 6-da saat 19:00-da Oqtay Kazımi və Ramiz Heydərin "Qızıl toy" tamaşası nümayiş etdiriləcək. Tamaşanın quruluşçu rejissoru Yusif Əkbərovdur. Biletlərin qiyməti 10-15 manatdır.
Fevralın 7-də saat 18:00-da gənc yazıçı-dramaturq Pərviz Seyidlinin "Killer" pyesi əsasında "Killerdən teleqram" monotamaşasının premyerası olacaq. Tamaşanın quruluşçu rejissoru Zaur Əliyevdir. Biletlərin qiyməti 15 manatdır.
Fevralın 7-də saat 19:00-da Əbdürrəhim Haqverdiyevin "Kimdir müqəssir?" tamaşası nümayiş etdiriləcək. Tamaşanın quruluşçu rejissoru İradə Gözəlovadır. Biletlərin qiyməti 10-15 manatdır.
Fevralın 8-də saat 19:00-da Məmməd Səid Ordubadinin librettosu əsasında hazırlanan "Beşmanatlıq gəlin" komediyası oynanılacaq. Tamaşanın quruluşçu rejissoru Əməkdar incəsənət xadimi Əsgər Əsgərovdur. Biletlərin qiyməti 10-15 manatdır.
Azərbaycan Dövlət Yuğ Teatrında (Kukla Teatrının binasında): Fevralın 7-də saat 19:00-da Mirzə Fətəli Axundzadənin "Mürafiə vəkillərinin hekayəti" pyesi əsasında "Şəbədə" tamaşası oynanılacaq. Biletlərin qiyməti 10-15 manatdır.
Fevralın 7-də saat 19:00-da "Asılqan" tamaşası oynanılacaq. Tamaşanın quruluşçu rejissoru Abdul Qənidir. Biletlərin qiyməti 10-15 manatdır.
Azərbaycan Dövlət Akademik Filarmoniyasında: Fevralın 6-da saat 19:00-da dahi bəstəkarımız Qara Qarayevin doğum gününə ithaf olunan "Əsrləri adlayan musiqi" adlı konsert. Biletlərin qiyməti 4-20 manatdır.
Heydər Əliyev Sarayı: Fevralın 3-də saat 19:00-da Qara Qarayevin "Yeddi gözəl" üçpərdəli baleti oynanılacaq. Biletlərin qiyməti 20-50 manatdır.
Fevralın 4-də saat 20:00-da dünya şöhrətli xorvatiyalı pianoçu Maksim Mrvica çıxış edəcək. Biletlərin qiyməti 59-199 manatdır.
Fevralın 7-də saat 20:00-da Türkiyənin sevilən müğənnisi KUTSİnin möhtəşəm konserti. Biletlərin qiyməti 25-245 manatdır.
Fevralın 8-də saat 19:00-da Ukraynanın ən məşhur rok-qruplarından biri Okean Elzyin konserti. Biletlərin qiyməti 49-319 manatdır.
Əzizə İsmayılova