Dünya
ABŞ-də şiddətli soyuqlarda ölənlərin sayı 85 nəfərə çatıb
ABŞ-də qar fırtınası və şiddətli soyuqlardan ölənlərin sayı 85 nəfərə çatıb. Oxu.Az xəbər verir ki, bu barədə "Associated Press" məlumat yayıb. "Texasdan Nyu-Cersiyə qədər həddindən artıq soyuq hava şəraitinin olduğu ərazilərdə ən azı 85 nəfər ölüb. Ölümlərin təxminən yarısı Tennessi, Missisipi və Luiziana ştatlarında baş verib", - deyə xəbərdə bildirilib. Bundan əlavə, ölkədə elektrik enerjisi təchizatında problemlərin yarandığı da vurğulanıb.
Mənbə
oxu.az
