Cəmiyyət
Generalımız Tokioda mühüm tədbirdə - Foto
Azərbaycan Yaponiyanın paytaxtı Tokioda Təbii Fəlakətlər Zamanı Risklərin Azaldılması üzrə Asiya Konfransında (ACDR-2025) iştirak edir.
Axar.az xəbər verir ki, bu barədə Azərbaycanın Yaponiyadakı səfirliyinin X səhifəsində paylaşım edilib.
"Tokioda 2025-ci il dekabrın 17-də rəsmi olaraq Təbii Fəlakətlər Zamanı Risklərin Azaldılması üzrə Asiya Konfransı işə başlayıb. Azərbaycan nümayəndə heyətinə Mülki müdafiə işinin təşkili Baş idarəsinin rəisi general-mayor Niyazi Zamanov rəhbərlik edir", - paylaşımda qeyd olunub.
Xatırladaq ki, Tokioda 17-19 dekabr tarixlərində ACDR-2025 konfransı keçiriləcək. Konfransın mövzusu "Dayanıqlığın birgə yaradılması: meqa-fəlakətlərə hazır dayanıqlı cəmiyyətə doğru"dur.
Mənbə
axar.az
