Zelenski Trampın Ukraynada prezident seçkisinin keçirilməsi ilə bağlı çağırışına cavab verdi

İtaliyada səfərdə olan Ukrayna Prezidenti Volodimir Zelenski ABŞ lideri Donald Trampın Ukraynada uzun müddətdir seçkilərin keçirilməməsi ilə bağlı qınağına cavab verib. Oxu.Az bu barədə "La Repubblica" nəşrinə istinadən xəbər verir. Zelenski Trampın "Ukraynada prezident seçkisinin keçirilməsinin vaxtı çatıb" sözlərinə cavab olaraq "Mən daim hazıram" deyib. Trampın sözlərindən sonra Avropa İttifaqı Zelenskini qanuni prezident hesab etdiyini və Ukraynada prezident seçkisinin şərait imkan verdikdə keçirilməli olduğunu bəyan edib. Eyni zamanda, Zelenski bildirib ki, Qərb tərəfdaşları ölkənin təhlükəsizliyinin təmin edilməsində kömək etsələr, Ukrayna növbəti 60-90 gün ərzində seçki keçirməyə hazır olacaq.