Kriminal
Qaxda sərnişin mikroavtobusu dərəyə aşdı
Qaxda TIR mikroavtobusa çırpılıb, sərnişin mikroavtobusu dərəyə aşıb.
Axar.az-ın Oxu.az-a istinadən məlumatına görə, hadisə rayonun Ləkit kəndi ərazisində qeydə alınıb.
Hərəkətdə olan TIR tipli yük avtomobili "Mercedes" markalı mikroavtobusa arxadan çırpılıb. Zərbənin təsirindən içərisində sərnişinlərin də olduğu mikroavtobus yoldan çıxaraq dərəyə aşıb.
Qəza nəticəsində ciddi xəsarət alan olmayıb.
Qeyd edək ki, TIR-ın yük yerində digər avtomobillər də olub.
Faktla bağlı araşdırma aparılır.
Mənbə
axar.az
