"Milan"dan "İnter" üzərində inamlı qələbə - Video

İtaliya A Seriyasının 10-cu turunda keçirilən qarşılaşmada "Milan" "İnter"ə 3:1 hesabı ilə qalib gəlib. Oxu.Az xəbər verir ki, Milanda yerləşən "San-Siro" stadionunda baş tutan matçda hesabı 4-cü dəqiqədə Kristian Pulişiç açıb. Adrien Rabyo 10-cu dəqiqədə "Milan"ın üstünlüyünü iki topa çatdırıb.

"İnter"in müdafiəçisi Alessandro Bastoni 22-ci dəqiqədə fərqi azaldıb. Dieqo Moreyra isə 43-cü dəqiqədə "Milan"ın üçüncü qolunu vuraraq oyunun yekun hesabını müəyyənləşdirib. Qeyd edək ki, çempionatda doqquz oyundan sonra "İnter" 25 xalla turnir cədvəlinin ikinci pilləsində qərarlaşıb. "Milan" isə 21 xalla dördüncü yerdədir. Növbəti turda "Milan" noyabrın 8-də səfərdə "Cenoa" ilə, "İnter" isə həmin gün doğma meydanda "Komo" ilə qarşılaşacaq.