Suriyada kütləvi etirazlar: Nümayişçilər yolları bağladılar - VİDEO

Hökumətin neft məhsullarının qiymətini artırmaq qərarından sonra Suriyanın bir sıra əyalətlərində etiraz aksiyaları başlayıb. Nümayişçilər beynəlxalq M-5 magistralı da daxil olmaqla bir neçə avtomobil yolunu bağlayıblar. Oxu.Az xəbər verir ki, bu barədə "Syria TV" məlumat yayıb.

Bildirilib ki, etirazlar Hələb, İdlib, Həsəkə, Rəqqa və Deyr-əz-Zor şəhərlərində keçirilir. Nümayişçilər yolları kəsərək orada avtomobil təkərləri yandırıblar. Bəzi şəhərlərdə aksiya iştirakçıları yanacaq daşıyan sisternlərin keçidinə imkan vermirlər. Qeyd edək ki, Suriyada yanacağın qiyməti Energetika Nazirliyi nəzdindəki xüsusi komitə tərəfindən müəyyənləşdirilir. Sentyabrın 12-də sözügedən qurum benzin, qaz və dizel yanacağı üçün tarifləri dəyişib, 25-40% aralığında bahalaşma baş verib.