"Geely"nin 40 illiyi Şamaxıda xüsusi yürüş və "Monjaro PHEV" təqdimatı ilə qeyd olundu

"Geely" brendinin 40 illiyi Azərbaycanda xüsusi avtomobil yürüşü və yeni "Geely Monjaro PHEV" modelinin təqdimatı ilə qeyd olunub. Tədbir Bakıdan başlayan və Şamaxıdakı Abqora kompleksinə qədər davam edən xüsusi "Geely roadtrip"i ilə start götürüb. "Geely" avtomobillərindən ibarət yürüşün iştirakçıları gün ərzində müxtəlif proqramlarda, ekskursiyalarda və interaktiv oyunlarda iştirak ediblər. Tədbir çərçivəsində təşkil olunan xüsusi müsabiqənin qalibləri dəyərli hədiyyələrlə mükafatlandırılıblar. Qaliblərə iki nəfərlik üç günlük Pekin səyahəti, yeni "Monjaro PHEV" alışına 5% endirim və iki dəfə ödənişsiz yağdəyişmə təqdim olunub. Günün əsas hadisəsi isə "Geely"nin Azərbaycandakı model sırasına qoşulan yeni "Monjaro PHEV"in rəsmi təqdimatı olub. 415 at gücü və 1100 km ümumi yürüş Performans, komfort və müasir texnologiyaları bir araya gətirən "Monjaro PHEV" 1.5 litrlik turbo mühərrik və elektrik mühərriklərindən ibarət hibrid güc sistemi ilə təchiz olunub. Sistem ümumilikdə 415 at gücü və 723 Nm fırlanma anı hasil edir. Tam ötürücülü model 0-dan 100 km/saata cəmi 5.83 saniyəyə sürətlənir. 29.8 kVt·saatlıq batareya avtomobilə yalnız elektrik enerjisi ilə 130 km, hibrid sistemlə isə ümumilikdə 1100 km yürüş imkanı verir. Avropa standartlarına uyğun CCS2 şarj portu ilə təchiz olunan model 78 kVt-a qədər sürətli şarjı dəstəkləyir. Təhlükəsizlik və ağıllı sürücü köməkçiləri "Monjaro PHEV" müxtəlif yol və sürüş şəraitinə uyğun altı sürüş rejimi təklif edir. Adaptiv kruiz-kontrol, avtomatik təcili əyləcləmə, zolaqda saxlama və zolaq dəyişmə assistentləri, kor zonalara nəzarət və toqquşma xəbərdarlığı sistemləri sürücünün gündəlik istifadədə təhlükəsizliyini və rahatlığını artırır. 540° kamera sistemi, ön və arxa parklanma sensorları isə xüsusilə şəhər şəraitində avtomobilin idarə edilməsini daha rahat edir. Komfort və premium interyer "Monjaro PHEV"in interyerində 15.4 düymlük mərkəzi multimedia ekranı, 12.3 düymlük rəqəmsal cihazlar paneli və 25.6 düymlük "Head-Up Display" yer alır. Ön oturacaqlarda isitmə, ventilyasiya və masaj, arxa oturacaqlarda isitmə funksiyası mövcuddur. İkizonalı klimat-kontrol, 256 rəngli ambient işıqlandırma və 16 dinamikli "Flyme Sound" premium audiosistemi salondakı komfortu tamamlayır. "Apple CarPlay" və "Android Auto" dəstəyi, eləcə də simsiz şarj funksiyası smartfonların avtomobillə inteqrasiyasını daha rahat edir. Avtomobil smartfondan da idarə olunur "Geely App" vasitəsilə istifadəçi avtomobilin bir sıra funksiyalarını məsafədən idarə edə bilir. Tətbiqdən qapıların idarə olunması, avtomobilin işə salınması, klimat-kontrolun aktivləşdirilməsi, oturacaq və sükan isitməsinin tənzimlənməsi mümkündür. Eyni zamanda avtomobilin lokasiyası, vəziyyəti, təkər təzyiqi və yürüş göstəriciləri izlənilə, şarj prosesi əvvəlcədən planlaşdırıla bilər. SUV xarakterini qoruyan dizayn Yeni "Monjaro PHEV" 4800 mm uzunluğa, 2845 mm təkər bazasına və 189 mm klirensə malikdir. 20 düymlük yüngül lehimli disklər, "Goodyear" şinləri, panoramik lyuk və LED işıqlandırma elementləri modelin premium SUV xarakterini tamamlayır. Yeni "Geely Monjaro PHEV" 59 900 AZN qiymətinə təklif olunur. Avtomobilə altı il və ya 150 000 km, yüksək gərginlikli batareyaya isə səkkiz il və ya 150 000 km rəsmi zəmanət verilir. Yeni "Monjaro PHEV" artıq "Geely Bakı Mərkəzi"ndə təqdim olunur. "Geely" rəsmi satış mərkəzi Babək prospekti 35A. *2299
{{gallery}}