FİFA DÇ-2026 finalında dava salan argentinalı futbolçuların cəzasını yüngülləşdirdi

FİFA Argentina millisinin 2026-cı il dünya çempionatının finalında İspaniya ilə oyundan sonra baş verən insidentə görə cəzalandırılan futbolçuların diskvalifikasiyasını azaldıb. Oxu.Az Argentina Futbol Assosiasiyasının (AFA) mətbuat xidmətinə istinadən xəbər verir ki, FİFA-nın İntizam Komitəsi AFA-nın cəzanın yüngülləşdirilməsi ilə bağlı apellyasiya şikayətini qüvvədə olan qaydalara uyğun olaraq təmin edib. Bununla da finaldakı insidentə görə milli komandanın bəzi oyunlarından kənarlaşdırılan argentinalı futbolçular rəsmi matçlara əvvəl nəzərdə tutulduğundan daha tez qayıda biləcəklər. 2026-cı il dünya çempionatı 11 iyun-19 iyul tarixlərində ABŞ, Kanada və Meksikada keçirilib. Turnirin qalibi finalda Argentinanı əlavə vaxtda 1:0 hesabı ilə məğlub edən İspaniya olub. DÇ-2026 tarixdə ilk dəfə 48 milli komandanın iştirakı ilə keçirilib. Yeni format nəticəsində turnirdə ümumilikdə 104 oyun baş tutub. FİFA prezidenti Canni İnfantino isə gələcəkdə iştirakçıların sayının 64 komandaya çatdırılması imkanının müzakirə edildiyini açıqlayıb.