Digər
Afinanın bu addımının Türkiyənin mövqeyinə təsiri yoxdur - XİN
Yunanıstan tərəfindən bu gün Egey dənizini də əhatə edəcək şəkildə elan edilən Bərpa Olunan Enerji Mənbələri üzrə Xüsusi Məkan Çərçivəsinin Türkiyənin Egey məsələləri üzrə hüquqi mövqeyinə heç bir təsiri yoxdur.
Axar.az xəbər verir ki, bu barədə Türkiyənin Xarici İşlər Nazirliyinin (XİN) sözçüsü Öncü Keçeli bildirib.
O qeyd edib ki, Türkiyə Egey və Aralıq dənizləri kimi qapalı və ya yarıqapalı dənizlərdə birtərəfli addımlardan çəkinilməsini, sahilyanı dövlətlər arasında əməkdaşlığın vacibliyini vurğulayır və Yunanıstanla əməkdaşlığa hazırdır.
Ankara Afina Bəyannaməsinə uyğun olaraq, problemlərin beynəlxalq hüquq, ədalət və yaxşı qonşuluq prinsipləri əsasında həllini müdafiə edir.
Mənbə
axar.az
