Ankaranın imzaladığı mühüm müdafiə sazişi... - Detallar

Xəbər verdiyimiz kimi, avqustun 7-də Məkkədə Səudiyyə Ərəbistanı, Türkiyə və Pakistan birgə müdafiə haqqında “Məkkə sazişi”ni imzalayıb.

Axar.az xəbər verir ki, bu barədə Pakistan Xarici İşlər Nazirliyi məlumat yayıb.

“Saziş hər üç dövlətin birgə təhlükəsizliyini daha da gücləndirəcək, həm regionda, həm də regiondan kənarda sülhü, təhlükəsizliyi və sabitliyi təşviq edəcək.

Eyni zamanda, saziş bütün təcavüz formalarına qarşı birgə çəkindirməni gücləndirməyi hədəfləyir və üç dövlətdən hər hansı birinə qarşı silahlı hücum olarsa, hücumun hamısına qarşı hesab ediləcəyini nəzərdə tutur. Bundan əlavə, saziş üç ölkə arasında bütün sahələrdə müdafiə əməkdaşlığının inkişafını dəstəkləyir”, - bəyanatda bildirilib.

Bundan başqa qeyd olunub ki, saziş hərbi təhdidlər və təhlükəsizlik problemləri qarşısında ortaq iradəni əks etdirir:

“Üç dövlətin ərazilərinin təhlükəsizliyini təmin etmək və təhdidlərin qarşısını almaq da anlaşmanın əsasını təşkil edir. Saziş sırf müdafiə xarakteri daşıyır”.