İtaliyada 100 yaşı olan məhkəmə binası uçdu - FOTO - VİDEO

İtaliyanın şimalındakı Boltsano şəhərində yerləşən və restavrasiya işlərinin aparıldığı 1920-ci illərə aid məhkəmə binası uçub. Oxu.Az-ın xəbərinə görə, bu barədə ANSA nəşri məlumat verib.

Məlumata görə, bu yaxınlarda bərpa və genişləndirmə işlərinin aparıldığı binanın təxminən dörddəbiri dağılıb.
{{gallery}} Hadisə səhər saat 6-da baş verdiyi üçün binada personaldan və restavratorlardan, demək olar ki, heç kim olmayıb, sadəcə, üç təmizlik işçisi olub və onlardan biri kiçik sıyrıqlar alıb. Xilasetmə xidmətləri hadisə yerini araşdırır. "Məhkəmə binasının bütün mərkəzi hissəsi tamamilə istifadəyə yararsızdır. Səbəblər barədə danışmaq hələ tezdir. Biz fəaliyyəti mümkün qədər tez bərpa etməyə və personalın necə bölüşdürüləcəyinə qərar verməyə çalışacağıq", - deyə prokuror Aksel Bisinyano bildirib.