Tramp ad günündə müqaviləni imzalamaq istəyir - SEPAH

İslam İnqilabı Keşikçiləri Korpusu (SEPAH) ABŞ Prezidenti Donald Trampın İranla müqaviləni bazar günü imzalamaqda qeyri-adi israrını tənqid edib.

Axar.az xəbər verir ki, bu barədə SEPAH-ın bəyanatında qeyd olunub.

SEPAH bildirib ki, Trampın israrı suallar doğurur, çünki iranlı nümayəndələr əvvəllər memorandumun tamamlanmadığını və yaxın günlərdə onu imzalamaq planlarının olmadığını bildiriblər.

Korpus Trampın tələsməsini onun ad günü olan 14 iyunda İranla müqavilənin imzalanma mərasimini planlaşdırması ilə izah edib.

"Bəzi müşahidəçilər onun inadkarlığının səbəbinin hadisədən simvolik şəkildə istifadə etmək və onu şəxsi PR hərəkətinə çevirmək istəyi ola biləcəyinə inanırlar", - deyə məlumatda qeyd olunub.

Qeyd edək ki, Donald Tramp İran və ABŞ arasında saziş iyunun 14-də imzalanacağını bəyan edib.