Afrikanın ən yaxşı hakiminə viza verilməməsinə Trampın cavabı

Somalili hakim Ömər Əbdülqadir Artanın ABŞ-a buraxılmaması və DÇ-2026-dan kənarlaşdırılması geniş müzakirələrə səbəb olub.

Axar.az Qol.az-a istinadən xəbər verir ki, ABŞ Prezidenti Donald Tramp Ağ Evdə keçirilən brifinqdə məsələyə belə münasibət bildirib.

"Yalnız uyğun və lazımi şəxslərin ölkəmizə daxil olmasını təmin etmək üçün əməkdaşlığımızı davam etdiririk", - Tramp vurğulayıb.

Qeyd edək ki, Ömər Əbdülqadir Artan Mayamidə hava limanında ABŞ-a buraxılmayıb və təhlükəsizlik səbəbilə ölkəyə girişinə qadağa qoyulub. Nəticədə o, DÇ-2026 üçün hakim siyahısından çıxarılıb.

Xatırladaq ki, Artan 2025-ci ildə Afrikanın ən yaxşı hakimi seçilib və dünya çempionatında tarixə düşəcək ilk somalili hakim ola bilərdi. FİFA artıq onun turnirdə iştirak etməyəcəyini təsdiqləyib.