Ölən insanın həyatdakı yaxınları ilə "əlaqə yaratmaq" cəhdləri müəyyən edilib - SORĞU

Tədqiqatçılar mərhumların qohumları və yaxınları ilə əlaqə yaratmağa çalışdığının yeddi əlamətini açıqlayıblar. Oxu.Az xəbər verir ki, amerikalı müstəqil tədqiqatçılar Bill və Cudi Quggenhaym bir neçə il ərzində "ölümdən sonrakı ünsiyyət" konsepsiyasını öyrənərək 2 000-dən çox insan arasında sorğu keçiriblər. Nəticədə onlar vəfat etmiş şəxslərin yaxınları ilə əlaqə cəhdlərinin əlamətlərini müəyyən edə biliblər. Tədqiqatçılara görə, ən geniş yayılmış əlamətlər bunlardır: Qoxu: Qohumların qəfil, qısa müddətə ortaya çıxan və vəfat etmiş şəxslə bağlı qoxunu (məsələn, onun sevimli ətri və ya bişirdiyi yeməyin qoxusu) hiss etməsi. Yuxu: Sağlam və xoşbəxt görünən, təsəlli sözləri söyləyən mərhumla əlaqəli canlı və davamlı yuxular. Elektron cihazlar: Mərhum haqqında xatirələr yada düşən anda elektron cihazların qeyri-adi şəkildə işləməsi. Heyvanların davranışı: "Ölümdən sonrakı ünsiyyət" cəhdlərinin əlaməti kimi ev heyvanlarının narahat davranış nümayiş etdirməsi. Sikkələr: Gözlənilməz yerlərdə sikkələrin peyda olması. Mahnılar: Vəfat etmiş şəxslə xatırlanan mahnıların səslənməsi. Varlıq hissi: Boş otaqda toxunuş və ya kiminsə varlığını hiss etmək. Sorğuda iştirak edən amerikalıların 40%-ə qədəri bu cür əlamətlərlə qarşılaşdığını bildirib. "Bizim tədqiqatlarımız göstərir ki, ölən insanlarla ünsiyyət təcrübəsi o qədər geniş yayılıb ki, onu həyatın təbii və normal bir hissəsi hesab etmək lazımdır", - deyə Quggenhaym cütlüyü vurğulayıb.