Bəzi rayonlara dolu düşüb, Şahdağa qar yağıb - FAKTİKİ HAVA

İyunun 7-si saat 10:00-a olan faktiki hava açıqlanıb. Oxu.Az xəbər verir ki, bu barədə Milli Hidrometeorologiya Xidməti məlumat yayıb. Bildirilib ki, ölkə ərazisində yağıntılı hava şəraiti müşahidə olunur, bəzi yerlərdə fasilələrlə şimşək çaxır, arabir yağış yağır. Yağıntılar ayrı-ayrı yerlərdə intensiv və güclü olub, Şahdağa isə qar yağıb. Qarın hündürlüyü Şahdağda 1 sm-dir. Bakıda və Abşeron yarımadasında düşən yağıntının miqdarı 6 mm olub ki, bu da aylıq normanın 60%-ni təşkil edir. Respublika ərazisində düşən yağıntının miqdarı: Oğuzda 53 (aylıq normanın 44%-i), Şəkidə 46 (aylıq normanın 45%-i), Qəbələdə 45 (aylıq normanın 40%-i), Zaqatalada 37 (aylıq normanın 29%-i), Göygöldə 33 (aylıq normanın 27%-i), Xaltanda 33 (aylıq normanın 36%-i), Balakəndə 31 (aylıq normanın 24%-i), Xınalıqda 25 (aylıq normanın 53%-i), Şahdağda 24 (aylıq normanın 51%-i), Qrızda 24 (aylıq normanın 26%-i), Gədəbəydə 22, Daşkəsəndə 20, Qusarda (Laza) 12, Qubada 10, Qaxda (Sarıbaş) 8, Şahbuz, Culfa, Astara, Şabran, İsmayıllıda 6, Zərdabda 5, Ağdamda 4, Xaçmaz, Altıağac, Naftalan, Lerikdə 3, Tərtər, Kürdəmir, Sabirabad, Biləsuvar, Qobustan, Mingəçevir, Goranboyda 2, Kəlbəcər, Laçın, Qubadlı, Şuşa, Xankəndi, Xocalı, Füzuli, Gəncə, Naxçıvan, Sədərək, Şəmkir, Tovuz, Şamaxı, Bərdə, Beyləqan, Yevlax, Göyçay, Beylaqan, İmişli, Neftçala, Ağsu, Yardımlı, Salyanda 1 mm-dək qeydə alınır. İyunun 6-da saat 20:15-20:22-də Zaqatala ərazisinə diametri 9 mm, saat 14:30-da Tovuz rayonunun Göyəbaxan kəndinə, saat 20:56-da isə Gədəbəyin Novosatovka kəndinə dolu düşüb. Lerik, Balakən, Qrızda duman müşahidə olunur. Dumanda görünüş 500 metrədək məhdudlaşır. Havanın maksimal temperaturu Bakıda və Abşeron yarımadasında 29, Naxçıvan MR-də 33, Aran rayonlarıda 31, dağlıq rayonlarda 20 dərəcəyədək isti müşahidə olunub.