Mədəniyyət
Aşqabad Azərbaycan mədəniyyətini qarşılayır - FOTO
Mədəniyyət naziri Adil Kərimlinin rəhbərlik etdiyi geniş nümayəndə heyəti artıq Türkmənistanın paytaxtı Aşqabad şəhərinə çatıb. Oxu.Az xəbər verir ki, Azərbaycan Mədəniyyəti Günlərində iştirak edəcək mədəniyyət və incəsənət xadimləri, yaradıcı kollektivlər və sənət adamları Aşqabad Beynəlxalq Hava Limanında səmimi və qonaqpərvərliklə qarşılanıblar. Hazırda konsert proqramları, sərgilər və digər tədbirlərlə bağlı son hazırlıq işləri aparılır. Qarşıdakı günlərdə Azərbaycan musiqisi, milli rəqsləri, xalçaçılıq, kəlağayı və digər sənət nümunələri qardaş Türkmənistan ictimaiyyətinə təqdim olunacaq. Azərbaycan və Türkmənistan arasında dostluq və qardaşlıq münasibətlərinin daha da möhkəmlənməsinə xidmət edən Mədəniyyət Günlərinin zəngin proqramla yadda qalacağı gözlənilir.
{{gallery}}
{{gallery}}
Mənbə
oxu.az
