Dünya
Hakan Fidan İrandan atılan raketlərlə bağlı insidentləri şərh etdi
Türkiyənin xarici işlər naziri Hakan Fidan bildirib ki, ölkəsi milli təhlükəsizlik məsələlərində heç bir kompromisə getməyəcək. Oxu.Az TASS-a istinadən xəbər verir ki, bu fikirləri o, İrandan buraxılan və Türkiyə hava məkanında zərərsizləşdirilən raketlərlə bağlı insidentləri şərh edərkən səsləndirib. Nazirin sözlərinə görə, Türkiyənin sülh və sabitliyə nail olmaq üçün göstərdiyi səylər milli təhlükəsizlik məsələlərində güzəştə getmək anlamına gəlmir. O qeyd edib ki, dünən Türkiyəyə yönəlmiş daha bir raket havada zərərsizləşdirilib. Fidan əlavə edib ki, baş verən ciddi insidentlə bağlı Ankara İran tərəfi ilə birbaşa əlaqə saxlayır.
Mənbə
oxu.az
