Polşa NATO qoşunlarının Ukraynaya yeridilməsini dəstəkləmir

Polşa rəhbərliyi NATO-ya məxsus hərbi kontingentin Ukrayna ərazisinə göndərilməsi ideyasını dəstəkləmir. Oxu.Az-ın verdiyi məlumata əsasən, bu mövqe Polşanın 2026-2030-cu illəri əhatə edən yeni Xarici Siyasət Strategiyası layihəsində öz əksini tapıb. Strategiya sənədində qeyd olunur ki, ittifaq üzvü olan dövlətlər tərəfindən hərbi qüvvənin tətbiqi ehtimalı Polşa və digər müttəfiq ölkələr üçün təhlükəsizlik təminatlarının etibarlılığına zərər vurmamalıdır. Xatırladaq ki, bir müddət əvvəl Şimali Atlantika Alyansının kollektiv müdafiə prinsipini işə salmağa hazırlaşdığı barədə məlumatlar yayılmışdı. NATO-nun baş katibi Mark Rütte öz müsahibəsində alyansa üzv dövlətlərin bu istiqamətdə müvafiq hazırlıq işləri apardığını təsdiqləyib.