İdman
Skandinaviya təmsilçisi nəhəngləri diz çökdürərək tarixə düşdü
"Budyo Qlimt" komandası UEFA Çempionlar Liqası tarixində əlamətdar bir rekorda sahib çıxıb. Oxu.Az "Opta Sport" nəşrinə istinadla xəbər verir ki, pley-off mərhələsinin cavab görüşündə İtaliyanın "İnter" klubunu 2:1 hesabı ilə (ilk qarşılaşma - 3:1) üstələyən Norveç təmsilçisi XXI əsrdə bənzərsiz bir uğura imza atıb. Skandinaviya klubu Avropanın "Top-5" liqalarında mübarizə aparan rəqiblərinə qarşı ardıcıl dörd oyunda qələbə qazanan ilk komanda kimi tarixə düşüb. Norveçlilər "İnter"dən öncə "Mançester Siti" (3:1) və Madridin "Atletiko" (2:1) klublarını məğlub etməyi bacarıblar. Sonuncu dəfə belə bir nəticəni 1971/72 mövsümündə Niderlandın "Ayaks" kollektivi nümayiş etdirmişdi.
Mənbə
oxu.az
