Dünya
ABŞ-də ekstremal şaxtalar: Milyonlarla insan təsir altında qala bilər
ABŞ-nin Şərq sahili ştatlarını vuran ekstremal şaxtalar təxminən 80 milyon əhalini təsir altına alacaq. Oxu.Az-ın xəbərinə görə, belə bir proqnozla ABC telekanalı çıxış edib. Milli Meteorologiya Bürosunun məlumatına görə, ekstremal şaxtalar haqqında xəbərdarlıq Yeni İngiltərə bölgəsi, Nyu-York, Nyu-Cersi və Pensilvaniya ştatlarında qüvvədədir. Burada temperatur göstəriciləri yerlərdə -36 dərəcəyə düşə bilər. Nyu-York ştatında -27 dərəcəyə çatacaq olan son 20 ilin ən güclü şaxtalı havası gözlənilir. Həmçinin Miçiqan, Minnesota və Ohayo kimi şimal-şərq ştatları da soyuq hava zonasındadır. Yerlərdə soyuq hava güclü qarla müşayiət olunur.
Mənbə
oxu.az
