Dünya
Çində güclü partlayış: Ölənlər var
Çinin şimalındakı Şantsi əyalətində "Tsyapen" biotexnologiya şirkətinin sexində partlayış baş verib. Oxu.Az-ın xəbərinə görə, bu barədə "Xinhua" agentliyi məlumat yayıb. Məlumata görə, partlayış nəticəsində beş nəfər ölüb. Əyalət hakimiyyət orqanlarının məlumatına görə, xilasedicilər qapalı vəziyyətdə çarəsiz qalmış beş işçini aşkar ediblər və onların həlak olduğu müəyyənləşib. Hazırda partlayışın səbəbi ilə bağlı araşdırma aparılır.
Mənbə
oxu.az
