Ukrayna Təhlükəsizlik Xidməti hərbi aerodromda Rusiyanın iki qırıcı təyyarəsini məhv edib - ANBAAN GÖRÜNTÜLƏR

Ukrayna Təhlükəsizlik Xidməti Lipetsk yaxınlığındakı Rusiya hərbi aerodromunda Rusiyanın "Su-30" və "Su-27" iki qırıcı təyyarəsini məhv edib. Oxu.Az-ın xəbərinə görə, bu barədə Ukrayna Müdafiə Nazirliyinin Baş Kəşfiyyat İdarəsi öz "Telegram" kanalında məlumat verib. Qeyd olunub ki, Rusiyanın Ukraynaya qarşı müharibədə istifadə etdiyi, iki vurulan qırıcı təyyarənin təxmini ümumi dəyəri 100 milyon dollara qədər ola bilər. Baş Kəşfiyyat İdarəsinin məlumatına görə, Lipetsk yaxınlığındakı aerodromda xüsusi əməliyyatın planlaşdırılması iki həftə çəkib. "12 və 82 quyruq nömrəli "Su-27" və "Su-30" təyyarələrinin dəqiq hazırlıq və peşəkarlıq sayəsində yandırılmasına nail olunub... Patrul marşrutunun və mühafizənin növbə qrafikinin dəqiq araşdırılması Rusiyanın hərbi obyektinə gizli şəkildə daxil olmağa, Rusiyanın "Su-27" qırıcı təyyarələrini birbaşa qoruyucu təyyarə anqarında məhv etməyə və sonra aerodromu maneəsiz şəkildə tərk etməyə imkan verib", - deyə məlumatda bildirilib.