Cəmiyyət
Salyanda ağır qəza: hərbçi faciəvi şəkildə öldü - Foto
Salyan rayonunda ölümlə nəticələnən yol-nəqliyyat hadisəsi baş verib.
Axar.az Teleqraf-a istinadən xəbər verir ki, hadisə köhnə Ələt–Astara magistral yolunun Salyan rayonu ərazisindən keçən hissəsində qeydə alınıb.
Belə ki, Neftçala rayonunun Xıl kənd sakini, 1988-ci il təvəllüdlü Zəqam Kamil oğlu İbrahimovun idarə etdiyi “Priora” markalı minik avtomobili avtobusa çırpılıb. Qəza nəticəsində sürücü hadisə yerində ölüb.
Hadisə yerinə cəlb olunan FHN-in xilasediciləri sürücünün avtomobildə sıxılmış meyitini çıxararaq aidiyyəti üzrə təhvil veriblər.
Ölən sürücünün hərbçi olduğu bildirilir.
Faktla bağlı araşdırma aparılır.
Mənbə
axar.az
