200 min dollarlıq əməliyyat: "Ceyms Bond" aktrisasının "baş transplantasiyası"- Foto

Hollivud ulduzunun üzgərmə əməliyyatından öncəki və sonrakı şəkilləri sosial platformalarda böyük səs-küyə səbəb olub. Bir çox izləyici bu dəyişikliyi "baş transplantasiyası" kimi qiymətləndirib. Oxu.Az xəbər verir ki, bu barədə "LAB Bible" nəşri məlumat yayıb. Məlumata görə, "Ceyms Bond" serialına aid "Bütün dünya da yetərli deyil" filmindəki rolu ilə məşhurlaşan 55 yaşlı aktrisa Deniz Riçards estetik əməliyyatı barədə açıqlama verdikdən sonra söz-söhbətlər yayılıb. Keçmişdə vizual görünüşünə müdaxilə etməkdən çəkindiyini vurğulayan Riçards, sözügedən estetik prosedura 2025-ci ilin iyununda razılaşdığını qeyd edib. Aktrisa bildirib ki, keçmiş həyat yoldaşı Aaron Faypers məhkəmə çəkişməsi vaxtı qəsdən onun bu cərrahiyyə prosesi haqqında danışıb. Bu səbəbdən də o, yayılan xəbərlərin keçmiş əri tərəfindən yönləndirilməsinin qarşısını almaq üçün əməliyyatla bağlı şəxsən açıqlama verməyi qərara alıb. Əldə edilən nəticənin onu tam qane etdiyini deyən Riçards, bu estetik müdaxiləni ömrü boyu verdiyi ən düzgün qərarlardan biri kimi xarakterizə edib. Mətbuatda yer alan məlumatlara əsasən, qeyd olunan kosmetik prosedur məşhur aktrisaya təqribən 200 min dollara başa gəlib.
{{gallery}}